Süd vəzinin müalicəyə və ya əməliyyata ehtiyac olan tək xəstəlik süd vəzi xərçəngidir. Süd vəzində baş verən digər problemlər - fibroadenoma və digər xoş xassəli tümörlər, fibrokistalar - heç bir qadının həyatını təhlükə altına salmaz və sonradan xərçəngə çevrilməz.

Bir çox qadın həyatlarının müəyyən bir dönəmində süd vəzisində tümör hiss edə bilərlər. Xüsusilə süd vəzi xərçənginin çox yayıldığı cəmiyyətlərdə, qadınların başlıca qorxusu süd vəzisində bir tümör hiss etməkdir. Süd vəzindəki tümör şübhəsi ilə həkimə müraciət edən qadınların 30%-ində normal süd vəzi toxuması, 40%-ində kist, 20%-ində fibroadenoma və digər xoş xassəli tümörlər və sadəcə 10%-ində süd vəzi xərçəngi aşkar olunmuşdur. Bir tümör hiss etdikdə həyəcanlanmadan həkimə müraciət etməli və dəqiq diaqnoz üçün tələb olunan müayinələrdən keçməlisiniz.

Qadinlar Süd Vəzilərində Nəyi Hiss Edirlər?

• 40% fibrokistik vəzi dəyişiklikləri
• 30% normal vəzi toxuması
• 20% fibroadenoma və digər xoş xassəli tümörlər
• 10% süd vəzi xərçəngi

Tümör (Törəmə)

Latın dilində "tümor" sözü "şiş" anlamına gəlir. Bu, ancaq müəyyən bir vəziyyəti ifadə etmir, bəlkə də sərt yox, kist olsa da, bütün tümörları təsvir edir. Yəni, şiş dedikdə bunun xoş xəstəlik, yoxsa bəd xəstəlik olduğunu bilmirik deməkdir. Hər ikisi də ola bilər. Əgər biopsiya edilərək bəd xəstəlik olduğu anlaşılsa, bundan sonra ona xərçəng deyirik, tümör deyil. Çünki xərçəngin varlığı biopsiya ilə sübuta yetirilmişdir. Onlar çoxalmağa meyilli hüceyrələrdən qaynaqlanır. Xoş xassəli tümörlər yayılmazlar, amma xərçəng kimi bəd xassəli tümörlər yayıla bilərlər.

Xərçəng: Xərçəng, mutasiya olan və digər orqanlara metastaz edə bilən hüceyrə çoxalması ilə xarakterizə olunan bəd xassəli bir tümördur. Süd vəzinin ən ciddi xəstəliyi süd vəzi xərçəngidir. Mamoqrafiya ilə aşkar olunan xərçənglərdə metastaz riski 15%, əllə hiss edilən tümörlarda isə bu risk 40%-ə qədər ola bilər. Beləliklə,müayinələrə getmək, erkən diaqnoz və tam sağlamlıq üçün vacibdir.

Əlinizlə Bir Tümör Hiss Etdyinizdə Nə Etməlisiniz?

Qorxmayın, həyəcanlanmayın və bu məsələni yaxınlarınızdan gizlətməyin. Yuxarıda göstərilən statistik məlumatlara əsasən, hər 10 tümördən 9-u xərçəng deyil. Lakin mütləq tümörün nə olduğunu öyrənmək lazımdır. Xərçəng diaqnozu şübəhisini də aradan qaldırmağınız vacibdir.

İlk olaraq bir həkimə müraciət etməli və müayinədən sonra radioloji müayinələrdən keçməlisiniz. Sinədəki tümörlərin fərqləndirici diaqnozunda mamoqrafiya və ultrasəs müayinəsi çox vacibdir. Bu tümörün xərçəng olma riski haqqında bizə çox vacib məlumat verir. Xərçəng olma ehtimalı aşağı və ya yoxdursa, xəstəni 6 ay və ya 12 ay aralıqla izləyirik. Bu izləmələri radioloji üsullarla həyata keçiririk.Əgər tümör xərçəngə bənzərsə, nə edilməlidir? Mütləq tümördən iynə biyopsiyası ilə nümunə götürüb patoloji analizə göndərmək lazımdır. Patologiyadan  gələn cavaba əsasən, əgər müalicə edilməsi lazım olan, yəni xərçəng varsa, ona uyğun bir müalicə planı hazırlanır. Yəni, əməliyyat etmək üçün və ya müalicəyə başlamaq üçün ilk olaraq dəqiq diaqnozun qoyulması vacibdir.